نوێنه‌رایه‌تی

:‌

1. به‌شی کاروباری په‌نابه‌ری، وه‌ک ڕێکخستنی کاروباری په‌نابه‌ری، ناردنی تێلێکسی پشتگیری له‌ په‌نابه‌رانی سیاسی، به‌تایبه‌ت کادروئه‌ندامان و لاینگرانی کۆمه‌ڵه‌ که‌ له‌ وه‌ڵاتانی‌ ده‌ره‌وه‌ داوای په‌نابه‌ری سیاسی ده‌که‌ن.

* یارمه‌تی به‌ کاروباری په‌نابه‌رانی کوردی ڕۆژهه‌ڵات له‌ هه‌موو وه‌ڵاتانی ده‌ره‌وه‌، به‌تایبه‌ت له‌ عێراق و تورکیه‌.

ئه‌وکه‌سانه‌ی داوا تێلێکسی پشتگیری کۆمه‌ڵه‌ بۆ داوای په‌نابه‌ری سیاسی له‌ وه‌ڵاتانی ده‌ره‌وه‌ ده‌که‌ن، پێویسته‌ ئه‌م خاڵانه‌ زۆر به‌جوانی له‌به‌رچاو بگرن:

1. ناساندنی لانی که‌م دوو موعره‌ف، یان دوو که‌س که‌ ‌بتوانن ئه‌و که‌سه‌ بۆ وه‌رگرتنی تێلێکس ته‌وسیه‌ بکه‌ن. ئه‌و دوو که‌سه‌ ده‌بێ به‌ نووسراوه‌یه‌کی ڕه‌سمی هاوبه‌ش یان به‌جیاواز، هۆیه‌کانی داوای تێلێکس بۆ که‌سی داوای په‌نابه‌ری سیاسی بۆ کۆمه‌ڵه‌ به‌ڕێ بکه‌ن. ئه‌م نامه‌ ده‌بێ له‌ زووترین کات له‌ ڕێگه‌ی ئی مایل، فاکس یان پۆست به‌ڕێ بکرێت.
2. ناردنی بیوگرافی ته‌واو(کاروباری ڕێکخراوه‌یی، حاستی کاروچالاکی و…) به‌ زمانی کوردی، فارسی یان ئینگلیسی بۆ به‌رپرسی کاروباری په‌نابه‌ری.
3. ژماره فاکس و تلفونی (پارێزه‌ر) وه‌کیل
4. ئادرێس، ژماره‌ تلفون، ئی مایلی داواکاری تێلێکس و… بۆ دابین کردنی پێوه‌ندی دوایی.
5. نووسینی نێو و شۆره‌تی داواکاری تێلێکس ده‌بێ به‌ زمانی ئینگلیسی.
6. ژماره (که‌یس) په‌روه‌نده‌ی داواکاری تێلێکس
7. ساڵ، ڕۆژ، مانگ و شوێنی له‌دایکبوونی داواکاری تێلێکس
8. تاریخه‌کان هه‌موویان ده‌بێ یان به‌ ساڵی زایینی(میلادی) بنوسرێن، یان مانگ و ته‌نانه‌ت ڕۆژه‌کانیش به‌ ساڵی هه‌تاوی بنووسرێن، بۆ وێنه‌ له‌ ئاگووستی 2007 زایینی، یان له‌ مانگی گه‌لاوێژ(شه‌هریوه‌ر)ی 1384 ی هه‌تاوی
9. ئاماده‌کردن و ناردنی تێلێکس به‌ زمانی ئینگلیسی لانی دوو حه‌وتوو ده‌خایه‌نێت.
10. تێلێکسی پشتگیری کۆمه‌ڵه ته‌نیا بۆ لاینگران و ئه‌ندامانی کۆمه‌ڵه، خه‌ڵکی ڕۆژهه‌ڵاتی کوردستان به‌ڕێ ده‌کرێت و به‌هیچ شێوه‌یه‌ک بۆ خه‌ڵکی به‌شه‌کانی دیکه‌ به‌ڕی ناکرێت.